भारतीय सशस्त्र सीमा सुरक्षा बल (बीएसएफ) द्वारा निर्दोष नेपालीको हत्या , कारबाहीको लागी विरोध प्रदर्शन

नेत्र बिक्रम चन्द नेतृत्वको नेकपा (बिप्लव) द्वारा बेपत्ता जयसिंह धामी हत्याको बिरोध प्रदर्शन गरिएकाे छ । शनिबार चन्द्रौटामा नेकपा बिप्लवले उक्त घटनाको नेपाल सरकारले छानबिन गर्नुपर्ने भन्दै बिरोध गरेकाे शिवराज नगर कमिटीले जनाएकाे छ ।

दार्चुलास्थित महाकाली नदी तर्ने क्रममा व्यास गाउँपालिका वडा नं.२ का जयसिंह धामी बगेका थिए । उनी नेपालबाट भारत जाने क्रममा तुइन तर्ने क्रममा महाकालीमा बगेका हुन् । प्रत्यक्षदर्शीका अनुसार तुइनमा महाकाली तरिरहेको बेला भारतीय सशस्त्र सीमा सुरक्षा बल एसएसबीले तुइन काट्दा घटना भएको हाे ।

चन्दाैटा सशस्त्र प्रहरी चेक पाेवाईन्ट देखि नगरपालिका सम्म र्याली परिक्रमा गरि चाेकमा काेण सभामा परिणत भएकाे थियाे । सभा कार्यक्रममा बाेल्ने अधिकांश वक्ताले नेपालमा क्रमबद्ध तरिकाले आक्रमण भइ रहेकाे जनाउँदै दु:खद घटनाप्रति सचेत बनी सरकारले पिडित न्याय पाउने गरि निस्पक्ष छानबिन गर्नु जरुरी रहेकाे उल्लेख गरेका थिए ।

भारत सरकारलाई उक्त घटनामा सहभागीलाई कारबाही गर्न, सरकारले भारतसँग उक्त विषयमा कुरा उठाउन भनेर ध्यानाकर्षण समेत गराइएको विप्लव केन्द्रीय कार्यालय जिल्ला शाखा सेक्रेटरी नारायण चन्दले जानकारी दिए ।