प्रदेशस्तरीय सरुवा रोग अस्पताल कपिलवस्तुको शिवराज नगरपालिका-५, चन्द्राैटामा बन्ने भएको छ ।
चन्द्राैटा हाटबजार नजिकैको पुर्व पट्टि, महेन्द्र राजमार्ग सडक छेउमा रहेको बन क्षेत्रमा पर्ने ९ विगाहा जग्गामा अस्पताल बन्ने लुम्बिनी प्रदेशका प्रदेश सभा सदस्य अर्जुन कुमार केसीले बताए ।
केसीका अनुसार लुम्बिनी प्रदेश सरकारले आर्थिक वर्ष ०७७-७८ को बजेटमा प्रदेश स्तरीय सरुवारोग अस्पताल शिवराज नगरपालिकाको चन्द्रौटा क्षेत्रमा निर्माण गरिने उल्लेख गरिएको थियो ।
अस्पताल निर्माण सम्पन्न हुन करीब २ अर्व लागत लाग्ने र अवधि पनि दुई वर्ष लाग्न सक्ने अनुमान गरिएको छ ।
यस क्षेत्रमा अस्पतालको अभाव रहेको नागरिकहरुको समस्यालाई मध्यनजर गर्दै बजेट विनियोजन गरिएको बताइएको छ ।
सहरी विकास कार्यालय रुपन्देहीले बुधबार टेण्डर आव्हान गरिएको समाजसेवी तथा युवा नेता महादेव पाेख्रेले जनाए ।
प्रदेशस्तरीय अत्याधुनिक सरुवा रोग अस्पताल निर्माणको लागि टेण्डर आव्हान भएपछि नागरिकहरु हर्षित भएकाे उनले बताए ।
राम अवतार चाैधरी
Be First to Comment