राष्ट्रिय बालदिवस २०७८ को अवसरमा जिल्ला स्तरीय मा.वि. तह कविता प्रतियोगिता सम्पन्न भएको छ । नेपाल बाल सङ्गठनको आयोजना तथा सरावल गाउँपालिका ,पाल्हिनन्दन गाउँपालिका , प्रतापुपर गाउँपालिकम ,सुस्ता गाउँपालिका, बर्दघाट नगरपालिका , सुनवल नगरपालिका , रामग्राम नगरपालिकाकाे संयुक्त सहयोग र सहकार्यमा जिल्ला स्तरीय मा.वि. तह कविता प्रतियोगिता सम्पन्न भएको हो ।
सामान्य अवस्था र कोभिड महामारी बाल अधिकार संरक्षण हामी सबैको जिम्मेवारी भन्ने नाराको साथ अायाेजना गरिएको जिल्ला स्तरीय मा. वि तह कविता प्रतियोगितामा कोरोना संक्रमण र बालबालिकाको भोगाई विषयमा विद्यार्थीहरू कविता वाचन गरेका थिए ।
नेपाल बाल सङ्गठनका सभापति पृतम पौडेलको सभापतित्व तथा जिल्ला समन्वय समितिका प्रमुख शिवशंकर रायकाे प्रमुख अतिथतामा जिल्ला स्तरीय मावि तह कविता प्रतियोगिता सम्पन्न भएको थियो ।
जिल्ला स्तरीय मा. वि तह कविता प्रतियोगितामा प्रथम हुने महाकवि देवकोटा मा.वि. सुनवलकी सरिन भण्डारी, द्वितीय: अन्नपूर्ण सेकेन्डरी स्कुल सुनवलकी रिषा भट्टराई र तृतीय राजमहात्मा पूर्ण भद्र मा.वि. बर्दघाटकी आरती पाण्डे तृतीय भएको प्रतियोगिताकाे निर्णयक संयाेजक एवम् विश्व साहित्य प्रतिष्ठानका जिल्ला अध्यक्ष दिपक बरालले जानकारी दिनुभएको हाे ।
प्रथम हुनेलाई पाँचहजार, प्रमाणपत्र शिल्ड, द्वितीय तीन हजार संगै प्रमाणपत्र शिल्ड र तृतीयलाई दुईहजार प्रमाणपत्र शिल्ड पुरस्कार बितरण गरिएको सङ्गठनका सचिव मोहन पौडेलले जानकारी दिए । जिल्ला स्तरीय मावि तह कविता प्रतियोगितामा जिल्लाका १३ वटा मा.वि. तहका विद्यालयबाट २३ जना विद्यार्थीहरूकाे सहभागिता रहेको सचिव पौडेलले बताए ।
Mahesh Yadav
Be First to Comment