कपिलवस्तुको शिवराज-१, शिवपुरमा बसकाे ठक्करबाट एक किशोरको मृत्यु भएको छ । शिवराज-१, बनकसबासा निवासी जीत बहादुर मगरको छोरा १६ वर्षीय सन्तोष थापा मगरकाे बसकाे ठक्करबाट मृत्यु भएको वडा प्रहरी कार्यालय चन्द्राैटाले जनाएको छ ।
बुधबार शिवराज नगरपालिका-१ स्थित हाइवे पेट्रोल पम्प नजिकै बसको ठक्करबाट किशोरको मृत्यु भएको प्रहरीले जनाएको छ । पूर्वबाट पश्चिमतर्फ जाँदै गरेको ना ८ ख ८१९१ नम्बरको बसले बिहान करिब ६ बजेतिर साइकलमा सवार भइ विद्यालय जाँदै गरेका मगरलाई बसले ठक्कर दिँदा किशोर गम्भीर घाइते भएका थिए ।
प्रहरीका अनुसार घाइते मगरकाे उपचारकाे क्रममा लुम्बिनी प्रादेशिक अस्पताल बुटवलमा मृत्यु भएको बताइएको छ । बसलाई नियन्त्रणमा लिएको र घटना बारेमा थप अनुसन्धान भइरहेको वडा प्रहरी कार्यालय चन्द्राैटाका प्रहरी निरीक्षक शंकर आचार्यले जानकारी दिए ।
Ram Abatar Chaudhary
Be First to Comment