नेपाल नेत्रज्योति संघ आँखा स्वास्थ्य कार्यक्रम राप्ती तथा बहादुरगंज अन्तर्गत संचालित छन्द (कालेबाबु) नारायणी आँखा अस्पतालद्वारा दुई लाख भन्दा बढीकाे स्वास्थ्य सामाग्री वितरण गरिएकाे छ ।
नर्वेजियन नेत्रहीन तथा अल्पदृष्टियुक्त संघ, नर्बेको आर्थिक सहयोगमा कपिलवस्तु जिल्लाका स्थानीय निकायहरुमा २ लाख २५ हजार ४ सय ३५ रुपैयाँ बराबरको स्वास्थ्य सामग्री वितरण गरिएकाे अस्पतालले जनाएकाे छ ।
समुदायस्तरमा कोरोना भाइरस कोभिड १९ को दोस्रो भेरियन्टको संक्रमण फैलिन नदिन तथा यसको रोकथाम, नियन्त्रण र व्यवस्थापनको लागि नेपाल सरकारलाई सहयोग पुर्याउनुे उद्देश्यका साथ कपिलवस्तुको नारायणी आँखा अस्पतालले जिल्लाका १० वटा स्थानीय निकायलाई स्वास्थ्य सामग्री हस्तान्तरण गरिएकाे अस्पताल प्रशासकीय अधिकृत जसराज विश्वकर्माले जानकारी दिए ।
स्थानिय तहहरु स्वास्थ्य सामग्री खरिद गर्न आफू स्वयं सक्षम भए त पनि यो कोरोना भाइरस (कोभिड १९) को महामारीको समयमा नेपाल सरकारलाई केही मात्रामा भए पनि राहत पुर्याउने उद्देश्यले उक्त स्वास्थ्य सामग्री वितरण गरिएको प्रशासकीय अधिकृत विश्वकर्माले जनाए ।
यस अघि कपिलवस्तु जिल्लाका ४ वटा गाउँपालिकालाई सर्जिकल मास्क, सेनिटाइजर लगायतका स्वास्थ्य सामग्री वितरण गरिएकोमा दोस्रो चरणमा जिल्लाका ६ वटा नगरपालिकालाई सोही प्रकारको स्वास्थ्य सामाग्री वितरण गरिएको उनले बताए ।
जिल्लाको बाणगंगा, बुद्धभुमि र कपिलवस्तु नगरपालिका लगायत प्रत्येक पालिकालाई ४ थान सर्जिकल माक्स र १० लिटर सेनिटाइजर वितरण गरिएको बताइएको छ ।
कपिलवस्तु नगरपालिकाका स्वास्थ्य संयोजक उमेश चन्द्र गुप्ताले ४ हजार थान सर्जिकल मास्क र १० लिटर सेनीटाइजर ग्रहण गर्दै यदि कसैले स्वेच्छिक रुपमा केही सहयोग गर्न खोज्छ भने उक्त सहयोगलाई हामीले सहर्ष रुपमा स्वीकार्नु जरुरी रहेकाे गुप्ताले बताए ।
कोरोना भाइरस कोभिड १९ को यो महामारीको समयमा स्वतःस्फूर्त रुपमा कपिलवस्तु नगरपालिकालाई यस प्रकारको स्वास्थ्य सामाग्री प्रदान गर्नु भएकोमा दातृ निकाय एन.ए.बी.पी.नर्बे र छन्द (कालेबाबु) नारायणी आँखा अस्पताल, बहादुरगंज अस्पतालकाे परिवारलाई हार्दिक धन्यवाद समेत संयाेजक गुप्ताले व्यक्त गरे ।
त्यसैगरी यस्तो संकट र कठिन परिस्थितीका बाबजुद पनि कोरोना भाइरस सँगको लडाइमा हातेमालो गर्न आएकोमा बाणगंगा नगरपालिका प्रमुख मंगल प्रसाद थारुले हर्षित हुँदै सहयोगको लागि दातृ निकाय र अस्पताललाई धन्यबाद व्यक्त गरे ।
नगर प्रमुख थारु तथा त्यस नगरपालिकाका स्वास्थ्य संयोजक खगराज पौडेलले संयुक्त रुपमा ग्रहण गर्दै स्वास्थ्य संयोजक पौडेलले आगामी दिनहरुमा पनि दातृ निकाय तथा अस्पतालबाट यस्तै सहयोगको अपेक्षा रहेको पाैडेलले बताए । छन्द(कालेबाबु) नारायणी आँखा अस्पतालका प्रशासकीय अधिकृत जसराज विश्वकर्माले नगर प्रमुख केशब कुमार श्रेष्ठलाई स्वास्थ्य सामग्री हस्तान्तरण गरेकाे हुन् ।
स्वास्थ्य सामग्री ग्रहण गर्दै नगर प्रमुख श्रेष्ठले अस्पताल तथा दातृ निकाय दुबैप्रति आभार तथा धन्यवाद प्रकट गरे । सो अवसरमा नगरपालिकाका प्रमुख प्रशासकीय अधिकृत अनिल पौडेल र स्वास्थ्य संयोजक खुबीराम खनालको पनि उपस्थिती रहेकाे अस्पताल अधिकृत विश्वकर्माले बताए ।
स्वास्थ्य सामाग्री वितरण गर्ने क्रममा शिवराज नगरपालिकाद्धारा संचालित आधारभुत स्वास्थ्य सेवा अस्तपाललाई ६ हजार थान सर्जिकल मास्क,१५ लिटर सेनिटाइजर र १० थान पी.पी.ई. सेट हस्तान्तरण गरिएको आँखा अस्पतालले जनाएकाे छ ।
शिवराज नगरपालिकाका स्वास्थ्य संयोजक चुडामणी भट्टराई र आभारभुत स्वास्थ्य अस्पतालका चिकित्सक डा.महेश गुप्तालाई संयुक्त रुपमा उक्त स्वास्थ्य सामग्री हस्तान्तरण गरिएको हो ।
यसैगरी छन्द(कालेबाबु) नारायणी आँखा अस्पताल अवस्थित रहेको कृष्णनगर नगरपालिकालाई पनि ४ हजार थान सर्जिकल मास्क र १० लिटर सेनिटाइजर हस्तान्तरण गरिएको छ । नगरपालिकाका स्वास्थ्य संयोजक शंकर भट्टराईलाई उक्त स्वास्थ्य सामग्री हस्तान्तरण गरिएको हो ।
यस्तै बहादुरगंज आँखा अस्पतालको नजिकै रहेको शिवराज अस्पताललाई पनि २ हजार थान सर्जिकल मास्क,५ लिटर सेनिटाइजर र १० थान पी.पी.ई सेट हस्तान्तरण गरिएको छ । शिवराज अस्पतालका कार्यालय प्रमुख डा.मुकेश चौधरीलाई उक्त स्वास्थ्य सामग्री हस्तान्तरण गरिएको आँखा अस्पतालका प्रशासकीय अधिकृत जसराज विश्वकर्माले बताए ।
जिल्लाका ६ वटा नगरपालिका र ४ वटा गाउँपालिका गरी जम्मा १० वटा स्थानीय निकायलाई सर्जिकल मास्क, सेनिटाईजर र पी.पी.ई सेट लगायतका स्वास्थ्य सामग्री वितरण गर्नको लागि दातृ निकाय नर्वेजियन नेत्रहीन तथा अल्पदृष्टियुक्त संघ, नर्बेले आर्थिक सहयोग उपलब्ध गराएको अस्पताल प्रशासनले जनाएकाे छ ।
दातृ निकाय नर्बेकाे सहयोगमा यस्तै प्रकारको स्वास्थ्य सामाग्री दाङको राप्ती आँखा अस्पताल र लमही आँखा अस्पतालले पनि त्यहाँका स्थानिय निकायहरुलाई हस्तान्तरण गरिएको नारायणी आँखा अस्पतालका प्रशासकीय अधिकृत विश्वकर्माले बताए ।
विश्वकर्माको नेतृत्वमा स्वास्थ्य सामाग्री वितरण गरिएकाे कार्यक्रममा अस्पतालका बाह्य कार्यक्रम संयोजक तथा ओ.पि.डी ईन्चार्ज ओपेन्द्र चन्द,लेखा सहायक कमल चौधरी र मधु खड्का लगायतको सहभागिता रहेको थियो ।
राम अवतार चाैधरी
Be First to Comment